طريقه عمل الكنافه بالمانجو

طريقه عمل الكنافه بالمانجو كالتالي :

المقادير:
نصف كيلو من الكنافة
100 جرام من السكر المطحون
100 جرام من السمن
500 جرام من المانجة مقطعة مكعبات
كيس كريم شانتيه
شربات " نص كوب سكر + نص لتر ماء + ليمونة"

نقطع خيوط الكنافة ونفتفتها ونضيف ليها السمن المذاب مع خلطه كويس جدا بالكنافة, نجهز صينيتين رفيعتين , نقسم كمية الكنافة نصين عشان هنعمل طبقتين من الكنافة, نفرد أول نص في صينية ونضغط بايدينا عليها عشان تبقى في سمك واحد, نحرك الصينية على النار في حركة دائرية مدة 5 دقايق.. ونفس الكلام في النص التاني ومتنسوش تحركوا الصواني حركة دائرية طول الوقت وبهدوء عشان متتحرقش من أي جنب.

دلوقتي نحضر الشربات ومكوناته ماء وسكر وليمون ونسيبه على النار " يتعقد" .. يعني يتقل ويبقى سيرب.
بعد ما صينيتين الكنافة تطلع من الفرن نرش عليها الشربات ونخليه يتغلغل في كل حتة
نجيب كيس كريم الشانتيه بشوية ماء ونضربها بالمضرب الكهربائي 3 دقايق,
دلوقتي نحضر الحشوة " المانجة المقطعة و الكريم شانتيه " ... نجيب اول صينيه كنافة وننفرش عليها طبقة كريم شانتيه وفوقيه قطع المانجة , نجيب الصينية التانية ونقلبها عليه ونزينها من فوق بردو بطبقة كريم شانتيه وقطع مانجة