الخميس، 20 أكتوبر، 2016

طريقه عمل السينابون cinnabon باحترافيه و سعر اقتصادي للغايه

طعمه حكايه وزى اللى اكلته من بره ودفعت فيه فلوس كتير
القطعه بره بتشتريها ب 30جنيه واكتر   احنا بقى هنعمل حوالى 12 قطعه بتكلفة 20جنيه يلا بينا نشوووف هنعمله ازاى 
للمزيد من الوصفات .. اشتركي معانا علي جروبنا علي الفيس بوك اكلاتي ( غاده محمد ) 
 بصى يا ست البنات مقاديرك هى :

مقادير السينابون

-كوب لبن دافى
-نص كوب سكر
-نص كوب زبده سايحه
-معلقه خميره فوريه
-بيضتين
-4 أكواب دقيق كافه الاغراض

الحشو
-نص كوب زبده فى درجه حراره الغرفه
-كوب سكر
-معلقتين كبيره قرفه
للتزيين
صوص شيكولاته

للمزيد من الوصفات .. اشتركي معانا علي جروبنا علي الفيس بوك اكلاتي ( غاده محمد ) 

طريقه عمل عجينه السينابون

-فى وعاء هنضع اللبن والسكر والزبده والبيض والخميره والدقيق ونعجنهم عجنه كويسه
-نحطهم فى وعاء زجاجى ونغطيهم بورق نايلون ونسيب العجينه تخمر براحتها مش اقل من ساعه
-بعد ما تخمر العجينه هنفردها بسمك نص سم
-هندهن وش العجينه بالزبده ونرش السكر والقرفة ونلف العجينه رول
-نقطع بقى العجينه قطع كل قطعه حوالى 3سم
-نضع القطع فى صينيه مدهونه بالزبده ونتركها تخمر للمره الثانيه حوالى نص ساعه
-ندخلها فى فرن حرارته 180 حوالى 20 دقيقه
-نضع صوص الشيكولاته عليها بعد خروجها مباشرة من الفرن ووممكن تحطى صوص كراميل وعين جمل  
بس كده وبالهنا والشفا
صوص الشيكولاته
ربع كوبايه لبن سخن وحطى عليه شيكولاته مبشوره ومعلقتين كاكاو خام ومعلقه زبده

للمزيد من الوصفات .. اشتركي معانا علي جروبنا علي الفيس بوك اكلاتي ( غاده محمد ) 

ليست هناك تعليقات:

إرسال تعليق